തിരുവനന്തപുരം: സംസ്ഥാനത്ത് ഇന്നു വ്യാപകമായി മഴക്കു സാധ്യതയുണ്ടെന്നു കേന്ദ്ര കാലാവസ്ഥാ വകുപ്പു മുന്നറിയിച്ചു. എട്ടു ജില്ലകളില്‍ ജാഗ്രതാ നിര്‍ദ്ദേശം പുറപ്പെടുവിച്ചു.
വയനാട്, കോഴിക്കോട്, മലപ്പുറം, പാലക്കാട്, പത്തനംതിട്ട, എറണാകുളം, ഇടുക്കി, തൃശൂര്‍ ജില്ലകളില്‍ ആണ് യെല്ലോ അലര്‍ട്ട് ഏര്‍പ്പെടുത്തിയിട്ടുള്ളത്. ഈ ജില്ലകളില്‍ ശക്തമായ മഴയ്ക്കു പുറമെ കാറ്റും ഇടിയും മിന്നലും ഉണ്ടായേക്കാമെന്നു മുന്നറിയിപ്പില്‍ പറഞ്ഞു.
