-പി പി ചെറിയാന്‍
മെക്കിനി(ഡാളസ്): മലങ്കര ഓര്‍ത്തഡോക്‌സ് സഭയിലെ സൗത്ത് വെസ്റ്റ് അമേരിക്കന്‍ ഭദ്രാസനയില്‍ ഉള്‍പ്പെട്ട ഡാലസിലെ വിവിധ ഇടവകകള്‍ ചേര്‍ന്ന് നടത്തിവരുന്ന കണ്‍വെന്‍ഷന്‍ വെള്ളിയാഴ്ച 6 30 മുതല്‍ മെക്കിനി സെന്റ് പോള്‍സ് ഓര്‍ത്തഡോക്‌സ് പള്ളിയില്‍ നടക്കും. സൗത്ത് വെസ്റ്റ് അമേരിക്കന്‍ ഭദ്രാസന മെത്രാപ്പോലീത്ത അഭിവന്ദ്യ ഡോക്ടര്‍ തോമസ് മാര്‍ ഇവാനിയോസ് തിരുമേനി അനുഗ്രഹപ്രഭാഷണം നടത്തും . ഓര്‍ത്തഡോക്‌സ് സഭയുടെ നാഗപൂര്‍ സെന്റ് തോമസ് ഓര്‍ത്തഡോക്‌സ് തിയോളജിക്കല്‍ സെമിനാരി പ്രിന്‍സിപ്പാളും പ്രശസ്ത വേദശാസ്ത്ര പണ്ഡിതനുമായ ജോസി ജേക്കബ് മുഖ്യപ്രഭാഷണം നടത്തും.
വെള്ളി ശനി ഞായര്‍ എന്നീ ദിവസങ്ങളില്‍ വൈകിട്ട് 6 30ന് സന്ധ്യാ പ്രാര്‍ത്ഥനയ്ക്ക് ശേഷം ഗാനശുശ്രൂഷയും തുടര്‍ന്ന് വചനശുശ്രൂഷയും ഉണ്ടാവും. കണ്‍വെന്‍ഷനില്‍ മുഴുവന്‍ ആളുകളും എത്തണമെന്നു സംഘാടകര്‍ അഭ്യര്‍ത്ഥിച്ചു.
