മടിക്കേരി: മടിക്കേരിക്ക് സമീപം കടകേരി സംസ്ഥാനപാതയില്‍ ബൈക്കില്‍ ലോറിയിടിച്ച് യുവാവ് മരിച്ചു. നാപോക്ലുവിനടുത്തുള്ള കക്കാബെ സ്വദേശി ശരത് (28) ആണ് മരിച്ചത്. വ്യാഴാഴ്ച വൈകീട്ട് മടിക്കേരി-മംഗളൂരു സംസ്ഥാന പാതയില്‍ ആണ് അപകടം. ലോറിക്കടിയില്‍പെട്ട ശരത്തിന്റെ തലയിലൂടെ ലോറിയുടെ ചക്രം കയറി. അപകടസ്ഥലത്ത് വെച്ച് തന്നെ ശരത് മരിച്ചു. മടിക്കേരി റൂറല്‍ പൊലീസ് സ്ഥലത്തെത്തി സംഭവവുമായി ബന്ധപ്പെട്ട് കേസ് രജിസ്റ്റര്‍ ചെയ്തു.