-പി പി ചെറിയാന്‍
വത്തിക്കാന്‍: ബ്രോങ്കൈറ്റിസ് ബാധിച്ച് ഒരു മാസം മുമ്പ് ആശുപത്രിയില്‍ പ്രവേശിപ്പിക്കപ്പെട്ട ഫ്രാന്‍സിസ് മാര്‍പാപ്പയുടെ ഫോട്ടോ വത്തിക്കാന്‍ ഞായറാഴ്ച പുറത്തുവിട്ടു.
ഹോളി സീ പ്രസ് ഓഫീസ് ഓണ്‍ലൈനില്‍ പ്രസിദ്ധീകരിച്ച ചിത്രത്തില്‍, റോമിലെ ജെമെല്ലി ആശുപത്രിയിലെ സ്വകാര്യ ചാപ്പലില്‍ മാര്‍പാപ്പ വീല്‍ചെയറില്‍ ഇരിക്കുന്നതായി കാണപ്പെട്ടു.
മാര്‍ച്ച് 6നു വത്തിക്കാന്‍ സിറ്റിയിലെ സെന്റ് പീറ്റേഴ്സ് സ്‌ക്വയറില്‍ രാത്രിയിലെ ജപമാല പ്രാര്‍ത്ഥനയ്ക്കിടെ ഫ്രാന്‍സിസ് മാര്‍പാപ്പയുടെ ഫോട്ടോ ഒരു പുരോഹിതനും പുറത്തുവിട്ടു
അസുഖത്തിന് ‘ചെറിയ പുരോഗതി’ പ്രകടമായതില്‍ ഫ്രാന്‍സിസ് മാര്‍പാപ്പ ആശുപത്രി ജീവനക്കാര്‍ക്ക് നന്ദി പറഞ്ഞു.
ഞായറാഴ്ച രാവിലെ കുര്‍ബാന അര്‍പ്പണം പൂര്‍ത്തിയാക്കിയ ശേഷം മാര്‍പ്പാപ്പ ചാപ്പലിന്റെ അള്‍ത്താരയ്ക്ക് മുന്നില്‍ പ്രാര്‍ത്ഥിക്കുകയായിരുന്നുവെന്ന് വത്തിക്കാന്‍ പറഞ്ഞു.
മാര്‍ച്ച് ആദ്യം ഫ്രാന്‍സിസ് തന്റെ അനുയായികള്‍ക്ക് ഒരു ഓഡിയോ സന്ദേശം അയച്ചിരുന്നു. – ഫെബ്രുവരി 14 ന് ആശുപത്രിയില്‍ പ്രവേശിപ്പിച്ചതിനുശേഷം മെഡിക്കല്‍ സംഘവും അടുത്ത ഉപദേശകരും ഒഴികെ മറ്റാരും പോപ്പിനെ കണ്ടിരുന്നില്ല.
