ഇടുക്കി: ജനനേന്ദ്രിയം മുറിഞ്ഞ നിലയില്‍ വയോധികനെ ആശുപത്രിയില്‍ പ്രവേശിപ്പിച്ചു. കൊച്ചു, കരുന്തരുവി സ്വദേശിയായ തങ്കപ്പ (70)നെയാണ് പീരുമേട് താലൂക്ക് ആശുപത്രിയില്‍ പ്രവേശിപ്പിച്ചത്. നായയുടെ കടിയേറ്റാണ് ജനനേന്ദ്രിയം മുറിഞ്ഞതെന്നാണ് തങ്കപ്പനെ ആശുപത്രിയില്‍ എത്തിച്ചവര്‍ പറഞ്ഞത്. എന്നാല്‍ ആയുധം കൊണ്ടുള്ള മുറിവാണെന്നു പ്രാഥമിക പരിശോധനയില്‍ വ്യക്തമായി. പരിക്ക് ഗുരുതരമായതിനാല്‍ തങ്കപ്പനെ പിന്നീട് കോട്ടയം മെഡിക്കല്‍ കോളേജ് ആശുപത്രിയിലേക്ക് മാറ്റി. തങ്കപ്പന്‍ അബോധാവസ്ഥയിലായതിനാല്‍ പൊലീസിനു മൊഴിയെടുക്കാനായിട്ടില്ല. വാഗമണ്‍ പൊലീസ് അന്വേഷണം ആരംഭിച്ചു.