കാസര്‍കോട്: കാഞ്ഞങ്ങാട് പുതിയകോട്ടയിലെ എല്‍ഐസി ഏജന്റിനെ ട്രെയിന്‍ തട്ടി മരിച്ച നിലയില്‍ കണ്ടെത്തി. പുതിയകോട്ട അളറായി വയലിലെ വിട്ടല്‍ പ്രസാദ് (45) ആണ് മരിച്ചത്. ചൊവ്വാഴ്ച ഉച്ചയ്ക്ക് ഹൊസ്ദുഗ് കല്ലം ചിറക്ക് സമീപമുള്ള ട്രാക്കിലാണ് മൃതദേഹം കണ്ടത്. ഇന്റര്‍സിറ്റി എക്‌സ്പ്രസിന് മുന്നില്‍ ചാടി ജീവനൊടുക്കുകയായിരുന്നുവെന്നാണ് വിവരം. സംഭവം കണ്ട ലോക്കോ പൈലറ്റ് വിവരം റെയില്‍വേ സ്റ്റേഷനില്‍ അറിയിച്ചു. ഹൊസ്ദുര്‍ഗ് പൊലീസ് എത്തി റെയില്‍വേ പാളത്തില്‍ വ്യാപകമായി തിരച്ചില്‍ നടത്തിയതിനെ തുടര്‍ന്നാണ് മൃതദേഹം കണ്ടെത്തിയത്. മൃതദേഹം ജില്ലാശുപത്രി മോര്‍ച്ചറിയിലേക്ക് മാറ്റി. അനിതയാണ് ഭാര്യ.