കാസർകോട്: മതിയായ രേഖകളില്ലാതെ വീട്ടിൽ സൂക്ഷിച്ച പണം പോലീസ് പിടിച്ചു. മധൂർ ഷിരിബാഗിലു സ്വദേശിയുടെ വീട്ടിൽ നിന്നാണ് 17.3 ലക്ഷം രൂപ കാസർകോട് ടൗൺ എസ്.ഐ കെ.പി.പ്രതീഷ് കുമാറിൻ്റെ നേതൃത്വത്തിൽ സംഘം കസ്റ്റഡിയിലെടുത്തത്. ചൊവ്വാഴ്ച വൈകിട്ട് പണം കണ്ടെടുത്തത്. പിടികൂടിയ പണം സംബന്ധിച്ച റിപ്പോർട്ട് പൊലീസ് ബുധനാഴ്ച കോടതിയിൽ നൽകും. മതിയായ രേഖകൾ ഹാജരാക്കിയാൽ പണം വിട്ടുകൊടുക്കാൻ കഴിയുമെന്ന് പൊലീസ് അറിയിച്ചു.
