പയ്യന്നൂര്‍: ക്ഷേത്രോത്സവത്തിന്റെ ഭാഗമായി നടത്തിയ മെഗാ നൃത്തത്തില്‍ പങ്കെടുത്ത യുവതി കുഴഞ്ഞു വീണു മരിച്ചു. പയ്യന്നൂര്‍, തെരുവിലെ പി.ടി സുകുമാരന്റെ ഭാര്യ ജീജ സുകുമാരന്‍ (52) ആണ് മരിച്ചത്. മമ്പലം ഭഗവതി ക്ഷേത്ര ഉത്സവത്തിന്റെ ഭാഗമായി ബുധനാഴ്ച രാത്രി നൂറോളം സ്ത്രീകള്‍ പങ്കെടുത്ത മെഗാ നൃത്തം നടത്തിയിരുന്നു. ജീജയും നൃത്തസംഘത്തിലുണ്ടായിരുന്നു. പരിപാടി കഴിഞ്ഞ് വേദിയില്‍ നിന്നു താഴെയിറങ്ങിയ ജീജ ഉടന്‍ കുഴഞ്ഞു വീഴുകയായിരുന്നു. മക്കള്‍: ജിഷ്ണു പി.ടി, സുകന്യ പി.ടി. യുവതിയുടെ ആകസ്മിക മരണം നാടിനെ കണ്ണീരിലാഴ്ത്തി.