കാസര്കോട്: തൃക്കരിപ്പൂരിലെ ഒരു സ്ഥാപനത്തില് നിന്നും ഒന്നരലക്ഷം രൂപ വിലവരുന്ന ഐഫോണ് മോഷ്ടിച്ച കേസിലെ പ്രതിയെ ചന്തേര പോലീസ് ഇന്സ്പെക്ടര് കെ പ്രശാന്ത് അറസ്റ്റ് ചെയ്തു.
കര്ണാടക ഹംഗിഡി ഉളുഗിരി സ്വദേശി രാജപ്പ(32)യാണ് പിടിയിലായത്. മറ്റൊരു കളവു കേസില് കണ്ണൂര് പൊലീസ് അറസ്റ്റ് ചെയ്ത ഇയാളെ ചന്തേര പൊലീസ് കസ്റ്റഡില് വാങ്ങി അറസ്റ്റ് രേഖപ്പെടുത്തുകയായിരുന്നു. പ്രതിയെ ശനിയാഴ്ച ഉച്ചയോടെ കോടതിയില് ഹാജരാക്കും.
