കാസർകോട്: വിദ്യാർത്ഥി പനത്തടി തച്ചറക്കടവ് മായത്തിയിൽ പുഴയിൽ വീണു മരിച്ചു. പനത്തടി കോയത്തടുക്കത്തെ രാഹുൽ (20) ആണ് മരിച്ചത്. രാജപുരം സെൻ്റ് പയസ് ടെൻത് കോളേജിലെ രണ്ടാം വർഷ ബി.ബി.എ. വിദ്യാർത്ഥിയാണ്. വെള്ളിയാഴ്ച വൈകുന്നേരം നാലു കൂട്ടുകാരോടൊപ്പം പുലിക്കടവ് പുഴയിൽ കുളിക്കാൻ ഇറങ്ങിയപ്പോഴാണ് അപകടം. വ്യാഴാഴ്ച രാജപുരം കോളേജിലെ എൻഎസ്എസ് സഹവാസ ക്യാമ്പ് കഴിഞ്ഞ് വീട്ടിലെത്തിയിരുന്നു. കോയത്തടുക്കത്തെ രാജന്റെയും ഷിജിയുടെയും മകനാണ്. സഹോദരൻ അഖിൽ.
