കാസര്‍കോട്: മദ്യലഹരിയില്‍ ഡീസല്‍ കുടിച്ച് ചികിത്സയിലായിരുന്ന യുവാവ് മരിച്ചു. ബേള, ചെര്‍ളടുക്ക, എരപ്പക്കട്ട ഹൗസിലെ തങ്കച്ചന്റെ മകന്‍ രാജന്‍ (35) ആണ് ചൊവ്വാഴ്ച പരിയാരം മെഡിക്കല്‍ കോളേജ് ആശുപത്രിയില്‍ മരിച്ചത്. നവംബര്‍ 15ന് രാത്രി 8.30മണിയോടെയാണ് രാജന്‍ ഡീസല്‍ കുടിച്ചത്. ഇക്കാര്യം അറിഞ്ഞ ഉടന്‍ ആശുപത്രിയില്‍ എത്തിക്കുകയായിരുന്നു. സംഭവത്തില്‍ ബദിയഡുക്ക പൊലീസ് അസ്വാഭാവിക മരണത്തിനു കേസെടുത്തു. മാതാവ്: മേരി. സഹോദരങ്ങള്‍: അദിത, ഇഡിക്ക.
