മംഗ്ളൂരു: മംഗ്ളൂരു ബസ് സ്റ്റാന്റിനു സമീപത്തു ബസ് കണ്ടക്ടറെ കൊല്ലപ്പെട്ട നിലയില് കണ്ടെത്തി. ബജ്പെ സ്വദേശിയായ രാജേഷ് (21) ആണ് മരിച്ചത്. ബസ് സര്വ്വീസ് കഴിഞ്ഞ ശേഷം ബസിനകത്തു തന്നെയാണ് രാജേഷ് അന്തിയുറങ്ങാറ്. പതിവുപോലെ തിങ്കളാഴ്ച രാത്രിയിലും ബസ്്സ്റ്റാന്റ് പരിസരത്ത് ബസ് നിര്ത്തിയതായിരുന്നു. അതിനു ശേഷമാണ് കൊലപാതകം നടന്നതെന്നു സംശയിക്കുന്നു. തലയില് മുറിവും ചെവിയില് നിന്നും മൂക്കില് നിന്നും രക്തം ഒലിക്കുന്ന നിലയിലുമാണ് മൃതദേഹം കാണപ്പെട്ടത്. പാണ്ഡേശ്വരം പൊലീസ് കേസെടുത്ത് അന്വേഷണം തുടങ്ങി.