പിപി ചെറിയാന്‍
അലബാമ: 1999-ല്‍ ജോലിസ്ഥലത്തു മൂന്ന് പേരെ വെടിവെച്ചു കൊലപ്പെടുത്തിയ കേസില്‍ അലബാമയിലെ ഡെത്ത് റോ തടവുകാരന്‍ അലന്‍ മില്ലറെ(59) വ്യാഴാഴ്ച വൈകിട്ട് നൈട്രജന്‍ വാതകം ഉപയോഗിച്ച് വധിച്ചു. ഹൈപ്പോക്‌സിയയുടെ രീതി ഉപയോഗിച്ച് അമേരിക്കയില്‍ നടത്തിയ രണ്ടാമത്തെ വധശിക്ഷയാണ് ഇത്.
‘നീതി ലഭിച്ചു’- വധശിക്ഷയ്ക്ക് ശേഷം അലബാമ അറ്റോര്‍ണി ജനറല്‍ സ്റ്റീവ് മാര്‍ഷല്‍ പ്രസ്താവനയില്‍ അറിയിച്ചു. 1999 ഓഗസ്റ്റ് 5-ന് ഷെല്‍ബി കൗണ്ടി വെടിവയ്പില്‍ മില്ലര്‍ കുറ്റക്കാരനാണെന്ന് കോടതി നേരത്തെ കണ്ടെത്തിയിരുന്നു. ടെറി ജാര്‍വിസ്(39), ലീ ഹോള്‍ഡ്ബ്രൂക്ക്‌സ്(32), സ്‌കോട്ട് യാന്‍സി(28) എന്നിവരെയാണ്
മില്ലര്‍ കൊലപ്പെടുത്തിയത്. മില്ലര്‍ മുമ്പ് ജോലി ചെയ്തിരുന്ന രണ്ട് വ്യാപാര സ്ഥാപനങ്ങളിലാണ് വെടിവയ്പ്പ്
നടന്നത്.
