കാസര്‍കോട്: പതിനേഴുകാരിയെ പീഡിപ്പിച്ചുവെന്ന പരാതിയില്‍ യുവാവിനെതിരെ കുമ്പള പൊലീസ് കേസെടുത്ത് അന്വേഷണം ആരംഭിച്ചു. ബദിയഡുക്ക പൊലീസ് സ്റ്റേഷന്‍ പരിധിയിലെ താമസക്കാരിയാണ് പരാതിക്കാരി.
പെണ്‍കുട്ടി തുടര്‍ച്ചയായ ദിവസങ്ങളില്‍ സ്‌കൂളില്‍ വരാത്തതിനെക്കുറിച്ച് അധ്യാപികമാര്‍ അന്വേഷിച്ചപ്പോഴാണ് സംഭവം പുറത്തുവന്നത്. വിവരം സ്‌കൂള്‍ അധികൃതര്‍ ബദിയഡുക്ക പൊലീസിനെ അറിയിച്ചു. പൊലീസ് പെണ്‍കുട്ടിയില്‍ നിന്നു മൊഴി രേഖപ്പെടുത്തി. സംഭവം നടന്നത് കുമ്പള പൊലീസ് സ്റ്റേഷന്‍ പരിധിയിലാണ്. ഇതു കണക്കിലെടുത്ത് കുമ്പള പൊലീസാണ് യുവാവിനെതിരെ പോക്‌സോ കേസെടുത്തത്. തെയ്യം കാണാനെത്തിയപ്പോഴാണ് പെണ്‍കുട്ടിയും യുവാവും പരിചയപ്പെട്ടത്.
