കാസര്‍കോട്: നഗരത്തിലെ ഓട്ടോ ഡ്രൈവര്‍ വീട്ടില്‍ കുഴഞ്ഞുവീണ് മരിച്ചു. മായിപ്പാടി ബി.ടി റോഡ് ആനന്ദ നിലയത്തിലെ ചന്ദ്രമോഹനന്‍(54) ആണ് മരിച്ചത്. വെള്ളിയാഴ്ച രാവിലെ പത്തുമണിയോടെയാണ് സംഭവം. രാവിലെ കുട്ടികളെ സ്‌കൂളിലേക്ക് കൊണ്ടുവിട്ടതിന് ശേഷം വീട്ടിലെത്തിയപ്പോഴാണ് കുഴഞ്ഞുവീണത്. തുടര്‍ന്ന് ആശുപത്രിയിലെത്തിച്ചെങ്കിലും മരിച്ചു. സംസ്‌കാരം വൈകീട്ട് മായിപ്പാടി പൊതുശ്മശാനത്തില്‍ നടക്കും. പരേതരായ ആനന്ദന്റെയും നാരായണിയുടെയും മകനാണ്. സുമതിയാണ് ഭാര്യ. നന്ദു, രഞ്ജിമ എന്നിവര്‍ മക്കളാണ്. സഹോദരങ്ങള്‍: സദാശിവന്‍, ശ്രീധരന്‍, ഇന്ദിര, സുജാത.
