കാസര്കോട്: ഹൃദയസംബന്ധമായ അസുഖത്തെത്തുടര്ന്ന് ചികിത്സയിലായിരുന്ന വിദ്യാര്ത്ഥിനി മരണത്തിനു കീഴടങ്ങി. ബേഡകം, ചേരിപ്പാടി, മുട്ടപ്ലാവിലെ ബാലകൃഷ്ണന്-മിനി ദമ്പതികളുടെ മകള് ആദിത്യ (15) ബുധനാഴ്ച രാത്രിയില് തിരുവനന്തപുരം ശ്രീ ചിത്തിര ആശുപത്രിയില് വച്ചാണ് മരിച്ചത്. കോടോത്ത് ഡോ. അംബേദ്കര് ഗവ.ഹയര്സെക്കണ്ടറി സ്കൂളിലെ പത്താംക്ലാസ് വിദ്യാര്ത്ഥിനിയാണ് ആദിത്യ. ഡിഗ്രി വിദ്യാര്ത്ഥിനിയായ ആര്യശ്രീ സഹോദരിയാണ്.
