കോഴിക്കോട് : വെസ്റ്റ് കൊടിയത്തൂർ ഇരുവഴഞ്ഞി പുഴയിൽ ബോട്ട് മറിഞ്ഞു രണ്ടു യുവാക്കൾ ഒഴുക്കിൽപ്പെട്ടു. തലകീഴ് മറിഞ്ഞ ബോട്ടിൽ പിടിച്ചു കിടന്ന ഇവർ നാട്ടുകാർ പാലത്തിൽ നിന്നു എറിഞ്ഞു കൊടുത്ത കയറിൽ പിടിച്ചു രക്ഷപ്പെട്ടു. രക്ഷാ പ്രവർത്തനത്തിനിറങ്ങിയതാണെന്നും തൂക്കുപാലത്തിൽത്തട്ടി ബോട്ടു മറിയുകയായിരുന്നുവെന്നും രക്ഷപ്പെട്ട ഇവർ നാട്ടുകാരോടു പറഞ്ഞു. എന്നാൽ അമിത വേഗതയിൽ ബോട്ടിൽ സാഹസിക യാത്ര നടത്തുകയായിരുന്നുവെന്നു ഇവരെന്നു നാട്ടുകാർ ആരോപിച്ചു.
