തിരുവനന്തപുരം: രൂക്ഷമായ മഴയെ തുടര്‍ന്ന് തിരുവനന്തപുരത്തുനിന്നും പുറപ്പെടേണ്ടിയിരുന്ന വന്ദേഭാരത് എക്‌സ്പ്രസ് ട്രെയിനിന്റെ സമയം മാറ്റി. രാവിലെ 5.15 പുറപ്പെടേണ്ടിയിരുന്ന ട്രെയിന്‍ 7.30 നാണ് പുറപ്പെട്ടത്. ഇന്നു പുലര്‍ച്ചേ 3.45 നു കന്യാകുമാരിയില്‍ നിന്ന് പുറപ്പെടേണ്ടിയിരുന്ന 16650 നമ്പര്‍ പരശുറാം എക്പ്രസ് ഭാഗീകമായി റദ്ദ് ചെയ്തു. ഷൊര്‍ണൂരിലേക്കുള്ള സര്‍വീസാണ് റദ്ദുചെയ്തത്. പകരം ഷൊര്‍ണൂരില്‍ നിന്ന് പതിവുപോലെ മംഗളൂരുവിലേക്ക് ട്രെയിന്‍ സര്‍വീസ് നടത്തും.