പന്തീരാങ്കാവ് ഗാര്ഹിക പീഡനക്കേസ് ഒത്തുതീര്പ്പായെന്ന് പ്രതി ഹൈക്കോടതിയില്.
ഭാര്യയോടൊപ്പം ഒരുമിച്ച് മുന്നോട്ട് പോകാന് തീരുമാനിച്ചുവെന്ന് രാഹുല് പി. ഗോപാലന് ഹൈക്കോടതിയെ അറിയിച്ചു. എഫ്ഐആര് റദ്ദാക്കണമെന്നാവശ്യപ്പെട്ടുള്ള പ്രതി രാഹുലിന്റെ ഹര്ജിയില് സര്ക്കാരിനോട് ഹൈക്കോടതി നിലപാടി തേടി. സര്ക്കാര്, പന്തീരാങ്കാവ് എസ്എച്ച്ഒ, പരാതിക്കാരി എന്നിവര്ക്കാണ് കോടതി നോട്ടീസ് അയച്ചത്. ഭാര്യയുടെ സത്യവാങ്മൂലം അനുവദിച്ച് തനിക്കെതിരായ ക്രിമിനല് കേസ് റദ്ദാക്കണമെന്നാണ് രാഹുലിന്റെ ആവശ്യം. ഭാര്യയുമായി ഉണ്ടായിരുന്നത് തെറ്റിദ്ധാരണകളാണെന്നും ഇതെല്ലാം മാറിയെന്നും ഹൈക്കോടതിയില് നല്കിയ സത്യവാങ്മൂലത്തില് പറയുന്നു. ഭാര്യ മജിസ്ട്രേറ്റ് കോടതിയില് നല്കിയ സത്യവാങ്മൂലവും ഹൈക്കോടതിയില് ഹാജരാക്കി. വീട്ടുകാരുടെ സമ്മര്ദത്തെ തുടര്ന്നാണ് ഭര്ത്താവിനെതിരെ ഗാര്ഹിക പീഡന പരാതി നല്കിയത് എന്നാണ് കഴിഞ്ഞ ദിവസം യൂട്യൂബ് ചാനലിലൂടെയുള്ള പെണ്കുട്ടിയുടെ വെളിപ്പെടുത്തിയത്. എന്നാല് ആരുടെയോ സമ്മര്ദ്ദത്തിന് വഴങ്ങിയാണ് പെണ്കുട്ടി മൊഴി മാറ്റിയതെന്ന് പിതാവും ആരോപിച്ചിരുന്നു. വീട്ടുകാര്ക്കൊപ്പം പോകാന് താല്പര്യമില്ലെന്ന് കഴിഞ്ഞ ദിവസം മജിസ്ട്രേറ്റിന് മുന്നില് ഹാജരാക്കിയപ്പോള് അറിയിച്ച യുവതി ഡല്ഹിയിലേക്ക് തിരിച്ചുപോയിരുന്നു.