മികച്ച യുവ കര്‍ഷക പുരസ്‌ക്കാരം: ശ്രീവിദ്യ കൊളത്തൂരിന്റെ അഭിമാനമായി

0
21

പെര്‍ളടുക്കം: സംസ്ഥാന സര്‍ക്കാരിന്റെ മികച്ച യുവ കര്‍ഷകയ്‌ക്കുള്ള പുരസ്‌ക്കാരം നേടിയ കൊളത്തൂര്‍ ബറോട്ടിയിലെ ശ്രീവിദ്യ നാടിന്റെ അഭിമാനമായി.
കാസര്‍കോട്ടെ സ്വകാര്യ സ്ഥാപനത്തിലെ ജീവനക്കാരിയായ ശ്രീവിദ്യ ഒഴിവുസമയങ്ങളിലും അവധി ദിവസങ്ങളിലുമാണ്‌ കൃഷി ചെയ്‌ത്‌ മണ്ണില്‍ പൊന്നു വിളയിച്ചത്‌. നിടുവോട്ടെ എ കെ നാരായണന്‍ നായര്‍- എം ദാക്ഷായണി ദമ്പതികളുടെ മകളായ ശ്രീവിദ്യ കാറഡുക്ക സ്വദേശിയും പ്രവാസിയുമായ എം രാധാകൃഷ്‌ണന്റെ ഭാര്യയാണ്‌.
കുടുംബസ്വത്തായി കിട്ടിയ നാലേക്കറിലാണ്‌ ശ്രീവിദ്യയുടെ കൃഷി. വര്‍ഷങ്ങള്‍ക്കു മുമ്പ്‌ കരിമ്പാറ പ്രദേശമായിരുന്നു സ്ഥലം. പുറമെ നിന്നും മണ്ണു കൊണ്ടെത്തിച്ചാണ്‌ കൃഷിയിടം ഒരുക്കിയത്‌. തുടക്കത്തില്‍ വലിയ പ്രതിസന്ധിയാണ്‌ നേരിട്ടതെങ്കില്‍ ഇപ്പോള്‍ സമ്മിശ്ര കൃഷിയിലൂടെ ലാഭകരമായി മുന്നോട്ടു പോകാന്‍ കഴിയുന്നുണ്ടെന്നു ശ്രീവിദ്യ പറഞ്ഞു. ഭര്‍ത്താവിന്റെയും മാതാപിതാക്കളുടെയും വിദ്യാര്‍ത്ഥികളുടെയും അകമഴിഞ്ഞ പിന്തുണയാണ്‌ കൃഷിയിടത്തിലെ തന്റെ ശക്തിയെന്നും അവര്‍ പറഞ്ഞു.

NO COMMENTS

LEAVE A REPLY