-പി പി ചെറിയാന്‍
ഫോര്‍ട്ട് ബെന്‍ഡ് കൗണ്ടി(ടെക്‌സസ്): ഫോര്‍ട്ട് ബെന്‍ഡ് കൗണ്ടി ജഡ്ജി കെ.പി. ജോര്‍ജിന്റെ മുന്‍ സ്റ്റാഫ് തരാല്‍ പട്ടേലിനെതിരായ കേസില്‍ നിന്ന് മറ്റൊരു ജഡ്ജി പിന്മാറി. 434-ാം ജില്ലയിലെ ജഡ്ജി ക്രിസ്റ്റ്യന്‍ ബെസെറ താരാല്‍ ഉള്‍പ്പെട്ട കേസില്‍ നിന്ന് സ്വയം പിന്മാറിയതായി. ഫോര്‍ട്ട് ബെന്‍ഡ് കൗണ്ടി ഡിസ്ട്രിക്റ്റ് അറ്റോര്‍ണി ഓഫീസ് സ്ഥിരീകരിച്ചു.
2024 നവംബറില്‍ ഫോര്‍ട്ട് ബെന്‍ഡ് കൗണ്ടി കമ്മീഷണറിലേക്കുള്ള നവംബറില്‍ നടന്ന തിരഞ്ഞെടുപ്പില്‍ സ്ഥാനാര്‍ത്ഥിയായ താരലിനെ എതിരാളിയായ ആന്‍ഡി മേയേഴ്സ് പരാജയപ്പെടുത്തി, അദ്ദേഹം 59% ലീഡോടെ വിജയിച്ചിരുന്നു
വ്യാജ ഓണ്‍ലൈന്‍ അക്കൗണ്ടുകള്‍ സൃഷ്ടിക്കുക, ഉദ്യോഗസ്ഥരായി വേഷം മാറുക, വോട്ടര്‍മാരുടെ സഹതാപം നേടുന്നതിനായി തനിക്കെതിരെ വംശീയ പരാമര്‍ശങ്ങള്‍ പോസ്റ്റ് ചെയ്യുക തുടങ്ങിയ കുറ്റങ്ങളാണ് തരാലിനെതിരെ ചുമത്തിയിരിക്കുന്നത്.
ടെക്സസിലെ ടൈലറില്‍ നിന്നുള്ള വിരമിച്ച സീനിയര്‍ ജഡ്ജിയായ ജഡ്ജി ക്രിസ്റ്റി കെന്നഡിയായിരിക്കും കേസ് ഇനി കൈകാര്യം ചെയ്യുന്നത്.ഈ വേനല്‍ക്കാലത്തിന്റെ തുടക്കത്തില്‍ ഫോര്‍ട്ട് ബെന്‍ഡ് കൗണ്ടി ജഡ്ജി സുരേന്ദ്രന്‍ പട്ടേലിനെ കേസില്‍ നിന്ന് നീക്കം ചെയ്തതിനെ തുടര്‍ന്നാണ് ഈ മാറ്റം.
തരാല്‍ ഓണ്‍ലൈനില്‍ ആള്‍മാറാട്ടം നടത്തിയതായി ആരോപിക്കപ്പെടുന്ന ഉദ്യോഗസ്ഥരില്‍ ജഡ്ജി പട്ടേലും ഉള്‍പ്പെട്ടിട്ടുണ്ടെന്ന് അന്വേഷകര്‍ വെളിപ്പെടുത്തി.താരല്‍ നിലവില്‍ അഴിമതിയുമായി ബന്ധപ്പെട്ട് ഒമ്പത് കുറ്റകൃത്യങ്ങളും നേരിടുന്നു.
കൂടാതെ, തരാലിന്റെ മുന്‍ മേധാവിയായിരുന്ന നിലവിലെ ഫോര്‍ട്ട് ബെന്‍ഡ് കൗണ്ടി ജഡ്ജി കെ പി ജോര്‍ജിനെതിരെ ഓണ്‍ലൈനില്‍ തന്റെ ഐഡന്റിറ്റി വ്യാജമായി പ്രചരിപ്പിച്ച കുറ്റവും ചുമത്തിയിട്ടുണ്ട്.
