കണ്ണൂർ: പള്ളിക്കുന്നിൽ വിവാഹ സൽക്കാരത്തിനിടെ ഉണ്ടായ സംഘർഷത്തിൽ മർദ്ദനമേറ്റ് ചികിത്സയിലായിരുന്നയാൾ മരിച്ചു. പള്ളിക്കുന്ന് രാജീവ് നഗർ കോളനിക്ക് സമീപത്തെ ‘മാധവാലയ’ത്തിൽ പി സുമേശനാണ് (55) മരിച്ചത്. പ്രവാസിയായിരുന്നു.
ഞായറാഴ്ച വൈകിട്ട് 3:30-നാണ് ബന്ധുവിന്റെ വീട്ടിൽ ഏറ്റുമുട്ടലുണ്ടായത്. വാക്കേറ്റത്തിനിടെ ചിലർ ഇദ്ദേഹത്തെ മർദ്ദിച്ചിരുന്നു.
പ്രശ്നങ്ങൾ അവസാനിച്ച ശേഷം തിരിച്ച് സ്വന്തം വീട്ടിലെത്തിയ സുമേശൻ ഛർദ്ദിച്ച് കുഴഞ്ഞു വീണതിനെ തുടർന്ന് ആശുപത്രിയിൽ പ്രവേശിപ്പിക്കുകയായിരുന്നു. ചികിത്സയിലിരിക്കെ ചൊവ്വാഴ്ച രാത്രി മരിച്ചു. കണ്ണൂർ ടൗൺ പൊലീസ് കേസെടുത്തു.