പി പി ചെറിയാൻ

വാഷിംഗ്‌ടൺ ഡി സി : ജനുവരിയിൽ ഡെമോക്രാറ്റുകൾ അമേരിക്കൻ കോൺഗ്രസിന്റെ ചുമതലയേൽക്കുന്നതോടെ ഇറാൻ യുദ്ധം അവസാനിപ്പിക്കുമെന്ന് സെനറ്റിലെ ഭൂരിപക്ഷ നേതാവ് ചക്ക് ഷൂമർ പ്രസ്താവിച്ചു .
പ്രസിഡന്റ് ഡൊണാൾഡ് ട്രംപിന്റെ വ്യക്തതയില്ലാത്ത സന്ദേശങ്ങളെ ഷൂമർ വിമർശിച്ചപ്പോൾ, ഇറാന് ആണവായുധം ലഭിക്കുന്നത് തടയുക എന്ന ലക്ഷ്യത്തിൽ താൻ മാറ്റമില്ലാതെ തുടരുന്നുവെന്ന് ട്രംപ് ആവർത്തിച്ചു.
ഇറാന്റെയും യുക്രെയ്ന്റെയും കാര്യത്തിൽ ഡെമോക്രാറ്റുകൾക്കിടയിൽ വ്യക്തമായ തന്ത്രങ്ങളില്ലെന്നും വ്യത്യസ്ത അഭിപ്രായങ്ങലാണ് അക്കാര്യങ്ങളിൽ അവർക്കെന്നും സംസാരമുണ്ട്.
യുദ്ധം പെട്ടെന്ന് അവസാനിപ്പിക്കുന്നത് ടെഹ്‌റാനെ (ഇറാൻ) കൂടുതൽ ശക്തിപ്പെടുത്താനും ഹോർമുസ് കടലിടുക്കിന്റെ നിയന്ത്രണവും ആണവ ലക്ഷ്യങ്ങളും കൈവരിക്കാൻ അവരെ സഹായിക്കലുമായിരിക്കുമെന്നും വിമർശനമുണ്ട്.

ഇടക്കാല തിരഞ്ഞെടുപ്പ് തിരിച്ചടി: യുദ്ധം തിരഞ്ഞെടുപ്പിൽ റിപ്പബ്ലിക്കൻ പാർട്ടിക്ക് തിരിച്ചടിയായെന്ന് വൈസ് പ്രസിഡന്റ് ജെ.ഡി. വാൻസ് ഉൾപ്പെടെ സമ്മതിക്കുമ്പോഴും, അന്തിമ ലക്ഷ്യം കൈവരിക്കാൻ നടപടികൾ വേഗത്തിൽ പൂർത്തിയാക്കണമെന്നാണ് റിപ്പബ്ലിക്കൻ കേന്ദ്രങ്ങളുടെ ആവശ്യം.
അടുത്തിടെ നടന്ന യു.എസ്. ഇടക്കാല തിരഞ്ഞെടുപ്പിൽ  കോൺഗ്രസിന്റെ ഇരുസഭകളിലും ഡെമോക്രാറ്റിക് പാർട്ടി ഭൂരിപക്ഷം നേടി തിരിച്ചുവരവ് നടത്തി:
സെനറ്റിൽ ഡെമോക്രാറ്റുകൾ 54 സീറ്റുകൾ നേടി ഭൂരിപക്ഷം പിടിച്ചെടുത്തു (സ്വതന്ത്രർ ഉൾപ്പെടെ). റിപ്പബ്ലിക്കൻ പാർട്ടി 44 സീറ്റുകളിലേക്ക് ഒതുങ്ങി.
ഹൗസ് ഓഫ് റെപ്രസെന്റേറ്റീവ്സ് ഡെമോക്രാറ്റുകൾ 253 സീറ്റുകൾ നേടി മുന്നേറിയപ്പോൾ റിപ്പബ്ലിക്കൻ പാർട്ടിക്ക് 155 സീറ്റുകൾ മാത്രമാണ് നേടാനായത്.