തളിപ്പറമ്പ്: പട്ടാപ്പകല്‍ വീട്ടില്‍ അതിക്രമിച്ചു കയറി വീട്ടുജോലിക്കാരിയുടെ കഴുത്തില്‍ കത്തി വച്ച് മോഷണ ശ്രമം. ബഹളം വച്ചതോടെ മോഷ്ടാവ് ഓടിപ്പോയി. അക്രമിയെ കണ്ടെത്താന്‍ പൊലീസ് അന്വേഷണം ആരംഭിച്ചു. കൂത്തുപറമ്പ്, മൂര്യാട്ടെ അധ്യാപകനായ ഷിമിത്തിന്റെ വീട്ടില്‍ കഴിഞ്ഞ ദിവസമാണ് സംഭവം. വീട്ടുജോലിക്കാരിയായ രാധ അടുക്കളയില്‍ ജോലി ചെയ്തു കൊണ്ടിരിക്കുകയായിരുന്നു. ഈ സമയത്ത് തലയില്‍ മുണ്ടിട്ടും മുഖം മറച്ചു മെത്തിയ അക്രമി കഴുത്തില്‍ കത്തി വച്ച് ഭീഷണിപ്പെടുത്തുകയായിരുന്നു. എന്നാല്‍ ആത്മധൈര്യം കൈവിടാതെ രാധ ബഹളം വച്ചതോടെയാണ് മോഷ്ടാവ് ഓടി രക്ഷപ്പെട്ടത്. രാധയുടെ പരാതിയില്‍ കൂത്തുപറമ്പ് പൊലീസ് കേസെടുത്തു. അക്രമിയെ കണ്ടെത്താന്‍ പൊലീസ് വ്യാപകമായ തെരച്ചില്‍ നടത്തിയെങ്കിലും കണ്ടത്താനായില്ല
