കാസര്‍കോട്: മേല്‍പ്പറമ്പ് പൊലീസ് സ്റ്റേഷന്‍ പരിധിയിലെ പെരുമ്പള, കോളിയടുക്കത്തു നിന്നു കാണാതായ യുവ ഭര്‍തൃമതി മറ്റൊരു യുവാവിനെ വിവാഹം കഴിച്ചു. ഹലീമ സദിയയാണ് തൃശൂര്‍ സ്വദേശിയായ അജയ് എന്നയാളെ വിവാഹം കഴിച്ച് ചെറുതുരുത്തി പൊലീസില്‍ ഹാജരായത്. പ്രസ്തുത വിവരം തൃശൂര്‍ പൊലീസ് മേല്‍പ്പറമ്പ് പൊലീസിനെ അറിയിച്ചിട്ടുണ്ട്.
തിങ്കളാഴ്ച രാത്രി 11.30 മണിക്കും രാവിലെ ആറുമണിക്കും ഇടയിലുളള സമയത്താണ് യുവതിയെ വീട്ടില്‍ നിന്നു കാണാതായത്. ഇതു സംബന്ധിച്ച് പിതാവ് മേല്‍പ്പറമ്പ് പൊലീസില്‍ പരാതി നല്‍കിയിരുന്നു. ഹലീമ ഗള്‍ഫില്‍ ഉണ്ടായിരുന്ന സമയത്ത് അജയിയെ പരിചയപ്പെടുകയും പിന്നീട് അടുപ്പത്തിലാവുകയും ചെയ്തതായി പൊലീസില്‍ നല്‍കിയ പരാതിയില്‍ പറഞ്ഞിരുന്നു.
പൊലീസ് അന്വേഷിക്കുന്നതിനിടയിലാണ് കാണാതായ യുവതിയും അജയിയും തമ്മില്‍ വിവാഹിതരായ ശേഷം പൊലീസ് സ്റ്റേഷനില്‍ ഹാജരായെന്ന വിവരം ചെറുതുരുത്തി പൊലീസ് മേൽ പറമ്പ് പൊലീസിൽ അറിയിച്ചത്.
