പയ്യന്നൂര്‍: ദേഹത്ത് മണ്ണെണ്ണയൊഴിച്ച് തീ കൊളുത്തിയ യുവതി മരിച്ചു. തളിപ്പറമ്പ്, പടപ്പേങ്ങാട്ടെ കേബിള്‍ ഓപ്പറേറ്റര്‍ കാടന്‍ വീട്ടില്‍ കെ. രാജേഷിന്റെ ഭാര്യ പഴയ്ക്കല്‍ വീട്ടില്‍ പി. പ്രവീണ മോഹന്‍ (31) ആണ് മരിച്ചത്. തിങ്കളാഴ്ച രാത്രി 9 മണിയോടെയാണ് പ്രവീണ വീട്ടില്‍ വച്ച് മണ്ണെണ്ണയൊഴിച്ച് തീ കൊളുത്തിയത്. ഗുരുതരമായി പൊള്ളലേറ്റ പ്രവീണ ഇന്നലെ (ചൊവ്വ) രാത്രി ഒന്‍പതു മണിയോടെ കണ്ണൂരിലെ സ്വകാര്യ ആശുപത്രിയിലാണ് മരിച്ചത്. ആത്മഹത്യയുടെ കാരണം വ്യക്തമല്ല. പൊലീസ് അന്വേഷണം തുടങ്ങി.
