കണ്ണൂർ: റിപ്പയറിനായി കടയിൽ സൂക്ഷിച്ചിരുന്ന മോട്ടോർ മോഷ്ടിച്ച കേസിൽ കാസർകോട് ചിറ്റാരിക്കാൽ സ്വദേശിയെ കണ്ണൂർ ടൗൺ പൊലീസ് അറസ്റ്റ് ചെയ്തു. ചിറ്റാരിക്കൽ കടുമേനി സ്വദേശി തോമസ് (52) ആണ് അറസ്റ്റിലായത്. ഈ മാസം ആറിന് രാവിലെയാണ് കേസിനാസ്പദമായ സംഭവം. കണ്ണൂർ തെക്കി ബസാറിൽ സലാം എന്നയാൾ റിപ്പയറിനായി നൽകിയ ഏകദേശം 18,000 രൂപ വിലവരുന്ന മോട്ടോർ പ്രതി മോഷ്ടിച്ചെന്നാണ് പരാതി. കടയിലെ സിസിടിവി ദൃശ്യങ്ങൾ പരിശോധിച്ച് പ്രതിയെ തിരിച്ചറിയുകയായിരുന്നു.
കണ്ണൂർ ടൗൺ ഇൻസ്പെക്ടർ മഹേഷ് കണ്ടമ്പേത്തിന്റെ നിർദ്ദേശപ്രകാരം എസ്.ഐ അഖിലിന്റെ നേതൃത്വത്തിലുള്ള സംഘമാണ് അറസ്റ്റ് നടത്തിയത്. എസ്.ഐമാരായ, ബാബു, മാത്യൂസ് ജാക്സൺ, സി.പി.ഒ വിന്റോ സി.എൽ എന്നിവരും അന്വേഷണ സംഘത്തിലുണ്ടായിരുന്നു.