കണ്ണൂര്‍: മതിയായ രേഖകള്‍ ഇല്ലാതെ കണ്ണൂരില്‍ അനധികൃമായി താമസിച്ചു വരികയായിരുന്ന മൂന്നു ബംഗ്ലാദേശ് യുവതികളെ പൊലീസ് അറസ്റ്റു ചെയ്തു. ബംഗ്ലാദേശ് ജെമല്‍പൂര്‍ സരീഷ് ബാരിയിലെ നസ്മ അക്തര്‍ (40), ഖുല്‍ന ഭഗളിയിലെ തസ്ലീമ കാതൂന്‍ (25), ഖുല്‍ന പൈഗച്ചിയിലെ മൊയ്‌ന കാതൂന്‍ (29)എന്നിവരെയാണ് കണ്ണൂര്‍ സി ഐ മഹേഷ് കണ്ടമ്പേത്തിന്റെ നേതൃത്വത്തില്‍ അറസ്റ്റു ചെയ്തത്.
രഹസ്യ വിവരത്തെ തുടര്‍ന്ന് എ സി പി എം പി ആസാദിന്റെ നിര്‍ദ്ദേശ പ്രകാരം മഹേഷ് കണ്ടമ്പേത്തിന്റെ നേതൃത്വത്തില്‍ കണ്ണൂര്‍ സാധു ബീഡി കമ്പനി റോഡിനു സമീപത്തെ ക്വാര്‍ട്ടേഴ്‌സില്‍ നടത്തിയ പരിശോധനയിലാണ് മൂന്നു പേരും പിടിയിലായത്.
യാതൊരു യാത്രാരേഖകളും ഇല്ലാതെയാണ് മൂവരും ഇന്ത്യയിലെത്തി അനധികൃതമായി താമസിച്ചിരുന്നത്. കണ്ണൂരിലെ ഒരു സ്പായില്‍ ജോലി ചെയ്തു വരികയായിരുന്നു ഇവര്‍. കഴിഞ്ഞ ദിവസം ബംഗ്ലാദേശ് ഫരീദ്പൂര്‍, അബ്ദുള്ളാബാദ് സ്വദേശിനി സലീന ഖാന്‍ (29) പിടിയിലായിരുന്നു.
കാഞ്ഞങ്ങാട് ജില്ലാ ആശുപത്രിയിൽ നിന്നും നാളെ ബുധനാഴ്ച്ച ലഭിക്കുന്ന ഒ പി സേവനങ്ങൾ അറിയാം
Tuesday, 6 October 2026, 18:30
