പി പി ചെറിയാൻ
വാഷിങ്ടൺ: ഗുരുതരമായ ആരോഗ്യപ്രശ്നങ്ങൾക്ക് കാരണമായേക്കാവുന്ന ബാക്ടീരിയകളുടെ സാന്നിധ്യം കണ്ടെത്തിയതിനെ തുടർന്ന് അമേരിക്കയിൽ വിവിധ ബ്രാൻഡുകളുടെ ഹാൻഡ് സോപ്പുകൾ തിരിച്ചുവിളിച്ചു. യു.എസ് ഫുഡ് ആൻഡ് ഡ്രഗ് അഡ്മിനിസ്ട്രേഷനാണ് ഇത് സംബന്ധിച്ച മുന്നറിയിപ്പ് നൽകിയത്.
സൂക്ഷ്മാണുക്കളായ സ്യൂഡോമോണാസ്, സെറാേഷ്യ ബാക്ടീരിയകളുടെ സാന്നിധ്യം.
ഇന്റർകോൺ കെമിക്കൽ കമ്പനി നിർമ്മിച്ച് വിതരണം ചെയ്ത വിവിധ ഹാൻഡ് സോപ്പ് ഉൽപ്പന്നങ്ങളിലാണ് കണ്ടെത്തിയിട്ടുള്ളത്.
അമേരിക്കയിലെ 15 സംസ്ഥാനങ്ങളിലായി 20 കമ്പനികളിലേക്ക് ഈ ഉൽപ്പന്നങ്ങൾ വിതരണം ചെയ്തിട്ടുണ്ട്.
ന്യുമോണിയ, രക്തത്തിലും മൂത്രനാളിയിലും ഉണ്ടാകുന്ന അണുബാധകൾ തുടങ്ങിയ ആരോഗ്യപ്രശ്നങ്ങൾക്ക് ഈ ബാക്ടീരിയകൾ കാരണമായേക്കാം.
കൂടുതൽ വിവരങ്ങൾക്കായി ഉപഭോക്താക്കൾ തങ്ങൾ ഉപയോഗിക്കുന്ന ഹാൻഡ് സോപ്പുകളുടെ ലോട്ട് നമ്പറുകളും ബ്രാൻഡുകളും പരിശോധിച്ച് സുരക്ഷിതത്വം ഉറപ്പാക്കാൻ അധികൃതർ നിർദ്ദേശിച്ചിട്ടുണ്ട്.
