തിരുവനന്തപുരം: സംസ്ഥാനത്ത് നാളെ മുതല്‍ പരക്കെ മഴ ലഭിക്കുമെന്ന് കാലാവസ്ഥ വകുപ്പിന്റെ മുന്നറിയിപ്പ്. വടക്കന്‍ ബംഗാള്‍ ഉള്‍ക്കടലില്‍ പുതിയ ന്യൂനമര്‍ദം രൂപപ്പെടുന്നതിന്റെ സ്വാധീനത്തിലാണ് കേരളത്തില്‍ മഴയെത്തുന്നത്. അതിനാല്‍ 10 മുതല്‍ 13 വരെ വിവിധ ജില്ലകളില്‍ ശക്തമായ മഴയ്ക്ക് സാധ്യതയുണ്ടെന്നും അധികൃതര്‍ വ്യക്തമാക്കി. വിവിധ ജില്ലകളില്‍ യെല്ലോ അലര്‍ട്ട് പ്രഖ്യാപിച്ചു. വ്യാഴാഴ്ച എറണാകുളം, ആലപ്പുഴ ജില്ലകളില്‍ അലര്‍ട്ട് നല്‍കി. 11 ന് എറണാകുളം, ഇടുക്കി, കോട്ടയം, പത്തനംതിട്ട ജില്ലകളിലും 12ന് പാലക്കാട്, ഇടുക്കി, എറണാകുളം, പത്തനംതിട്ട ജില്ലകളിലും യെല്ലോ അലര്‍ട്ട് പ്രഖ്യാപിച്ചിട്ടുണ്ട്. അതേസമയം താപ നിലവര്‍ധിക്കുമെന്ന മുന്നറിയിപ്പും നിലവിലുണ്ട്. ഇന്ന് ഒറ്റപെട്ടയിടങ്ങളില്‍ ഉയര്‍ന്ന താപനില 4 ഡിഗ്രി സെല്‍ഷ്യസ് വരെ ഉയരാന്‍ സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിക്കുന്നു.