പശ്ചിമേഷ്യൻ സംഘർഷം രൂക്ഷം .
ഹോർമുസ് കടലിടുക്കിലൂടെ സഞ്ചരിച്ച കപ്പലുകൾക്ക് നേരെ യു.എസും ഇറാനും പരസ്പരം ആക്രമണം ശക്തമാക്കി. കടലിലെ സംഘർഷങ്ങളിൽ നിരവധി എണ്ണ ടാങ്കറുകൾ തകർക്കപ്പെട്ടു.
ഇറാന്റെ മുന്നറിയിപ്പ്: തങ്ങളുടെ രാജ്യത്തിനെതിരെ വീണ്ടും ആക്രമണമുണ്ടായാൽ അതിശക്തമായ തിരിച്ചടി നൽകുമെന്ന് ഇറാൻ മുന്നറിയിപ്പ് നൽകി.
റഷ്യ – യുക്രെയ്ൻ യുദ്ധം
താൽക്കാലിക വെടിനിർത്തൽ: യു.എസ് പ്രതിനിധികൾ മോസ്കോയിലെത്തിയതിന് പിന്നാലെ യുക്രെയ്നെതിരായ ആക്രമണം മൂന്ന് ദിവസത്തേക്ക് നിർത്തിവെക്കാൻ റഷ്യൻ പ്രസിഡന്റ് വ്ളാദിമിർ പുടിൻ ഉത്തരവിട്ടു.
ഐക്യരാഷ്ട്രസഭ പുതിയ ലോക ഭൂപട ത്തിന്
അംഗീകാരം നൽകി. ആഫ്രിക്ക, ലാറ്റിൻ അമേരിക്ക തുടങ്ങിയ പ്രദേശങ്ങളുടെ യഥാർത്ഥ വിസ്തൃതി വ്യക്തമാക്കുന്ന പുതിയ ലോക ഭൂപടത്തിന് ഐക്യരാഷ്ട്രസഭ അംഗീകാരം നൽകി.
സൗത്ത് ഡൽഹിയിൽ നാലുനില ഹോസ്റ്റൽ തകർന്നു വീണ് അപകടം. രക്ഷാപ്രവർത്തനം ഊർജ്ജിതമായി പുരോഗമിക്കുന്നു.
വിമാനം അടിയന്തരമായി തിരിച്ചിറക്കി: ടേക്ക് ഓഫിന് പിന്നാലെ സാങ്കേതിക തകരാർ കണ്ടതിനെ തുടർന്ന് 270 യാത്രക്കാരുമായി ലണ്ടനിലേക്ക് പോയ വിമാനം ബെംഗളൂരുവിൽ അടിയന്തരമായി തിരിച്ചിറക്കി.
മണിപ്പൂർ വോട്ടർ പട്ടിക: മണിപ്പൂരിൽ വോട്ടർ പട്ടികയുടെ അന്തിമ പ്രസിദ്ധീകരണം പൂർത്തിയായി. 19.60 ലക്ഷം പേരുള്ള പട്ടികയിൽ സ്ത്രീ വോട്ടർമാരുടെ എണ്ണത്തിൽ വർധനവമുണ്ട്.
ഡൽഹിയിൽ കനത്ത മഴ: തലസ്ഥാന നഗരിയിലും പരിസര പ്രദേശങ്ങളിലും ശക്തമായ മഴ തുടരുന്നു. റോഡുകളിൽ വെള്ളക്കെട്ട് രൂപപ്പെടുകയും വിമാന സർവീസുകളെ ബാധിക്കുകയും ചെയ്തിട്ടുണ്ട്.
ഐഎസ്ആർഒ സ്വകാര്യവത്കരിക്കുമെന്ന പ്രചരണം വസ്തുതാവിരുദ്ധമാണെന്ന് ഐഎസ്ആർഒ വ്യക്തമാക്കി.
സംസ്ഥാനത്ത് അടുത്ത മൂന്ന് ദിവസങ്ങളിൽ ഉയർന്ന താപനിലയ്ക്കും അൾട്രാവയലറ്റ് രശ്മികളുടെ തോത് ഉയരുന്നതിനും സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്.
സംസ്ഥാന സ്കൂൾ കായികമേള കോഴിക്കോട്: ഈ വർഷത്തെ സംസ്ഥാന സ്കൂൾ കായികമേള ഒക്ടോബർ 25 മുതൽ 31 വരെ കോഴിക്കോട്ട് നടക്കും. പ്രധാന വേദി ചാത്തമംഗലം എൻഐടി ഗ്രൗണ്ട് ആയിരിക്കും.
സ്വർണവിലയിൽ മാറ്റം: കഴിഞ്ഞ ദിവസങ്ങളിലെ തുടർച്ചയായ മാറ്റങ്ങൾക്ക് ശേഷം സ്വർണവിലയിൽ നേരിയ കുറവ് രേഖപ്പെടുത്തി.
പാലിയേക്കരയിൽ സുരേഷ് ഗോപിയുടെ ഇടപെടൽ: തൃശൂർ പാലിയേക്കര ടോൾ പ്ലാസയിൽ രൂക്ഷമായ ഗതാഗതക്കുരുക്ക് അനുഭവപ്പെട്ടതിനെ തുടർന്ന് കേന്ദ്രമന്ത്രി സുരേഷ് ഗോപി നേരിട്ടെത്തി ടോൾ ബൂത്തുകൾ തുറന്നുവിട്ട് വാഹനങ്ങൾ കടത്തിവിട്ടു.
മയക്കുമരുന്ന് മാഫിയയെ നേരിടാൻ പ്രത്യേക നർകോട്ടിക് കൺട്രോൾ ബ്യൂറോ: സംസ്ഥാനത്ത് ലഹരി വ്യാപനം തടയുന്നതിനായി കേരള പോലീസിന് കീഴിൽ പ്രത്യേക ‘നർകോട്ടിക് കൺട്രോൾ ബ്യൂറോ’ രൂപീകരിക്കുന്നത് സംബന്ധിച്ച് പഠിക്കാൻ ഡിജിപി, പ്രത്യേക സമിതിയെ നിയോഗിച്ചു.
സ്വകാര്യ ബസ് സമരം: മിനിമം യാത്രാ നിരക്ക് 15 രൂപയാക്കണമെന്ന് ആവശ്യപ്പെട്ട് സംസ്ഥാനത്ത് സ്വകാര്യ ബസ് ഉടമകൾ പ്രക്ഷോഭത്തിലേക്ക്
റാണിപുരം വിനോദസഞ്ചാര കേന്ദ്രത്തിലെ സിപ്ലൈൻ ഓപ്പറേറ്റർ സനൂപ് (25) വീണ് മരണപ്പെട്ടു. യാത്രയ്ക്കിടെ വിനോദസഞ്ചാരി അബദ്ധത്തിൽ കയ്യിൽ പിടിച്ചതിനെ തുടർന്ന് 300 മീറ്ററോളം തൂങ്ങിപ്പോവുകയും തുടർന്ന് പിടിവിട്ട് താഴേക്ക് വീഴുകയുമായിരുന്നു.
ഹൊസങ്കടി കൊലപാതകക്കേസ്: മദ്യലഹരിയിലുണ്ടായ തർക്കത്തെ തുടർന്ന് നടന്ന കൊലപാതകത്തിൽ പ്രതിയെ 24 മണിക്കൂറിനകം പോലീസ് അറസ്റ്റ് ചെയ്തു.
ഗതാഗത നിയന്ത്രണം: ചന്ദ്രഗിരി, ബേക്കൽ പാലങ്ങൾക്ക് സമീപം കോൺക്രീറ്റിങ് പ്രവൃത്തികൾ നടക്കുന്നതിനാൽ ഒക്ടോബർ 10 വരെ റോഡ് ഗതാഗതം ഭാഗികമായി തടസ്സപ്പെടും.
കനത്ത മഴ മുന്നറിയിപ്പ്: ദക്ഷിണ കന്നഡ, മംഗളൂരു മേഖലകളിൽ മഴ ശക്തമായതിനെ തുടർന്ന് ചിലയിടങ്ങളിൽ മലവെള്ളപ്പാച്ചിലും മണ്ണിടിച്ചിൽ ഭീഷണിയും റിപ്പോർട്ട് ചെയ്തിട്ടുണ്ട്.
