തൃശൂര്: കുന്നംകുളത്ത് ഒരു കുടുംബത്തിലെ മൂന്നുപേരുടെ മരണത്തിന് ഇടയാക്കിയ വാഹനാപകടത്തിലെ കാര് ഡ്രൈവര് പിടിയില്. അര്ത്താറ്റ് സ്വദേശി ബെന് എബി(31) ആണ് കുന്നംകുളം പൊലീസിന്റെ പിടിയിലായത്. അപകട ശേഷം ഇയാള് ഒളിവില് പോയിരുന്നു. കാര് ഓടിക്കുമ്പോള് മദ്യലഹരിയിലായിരുന്നു ഇയാള്. കാറില് അപകട സമയത്ത് നാലുപേരാണ് ഉണ്ടായിരുന്നത്. രണ്ടുപേര് റിമാന്ഡില് ആണ്. ശനിയാഴ്ച രാത്രി 11 മണിയോട് കൂടിയായിരുന്നു നാടിനെ നടുക്കിയ അപകടം. എടക്കഴിയൂര് സ്വദേശികളായ മുനീര്, ഷിഫ്ന ഇവരുടെ മകന് മൂന്നു വയസുകാരനായ മകന് എമില് എന്നിവരാണ് അപകടത്തില് മരിച്ചത്.
ഫോണ് ചെയ്യാന് വേണ്ടി വഴിയരികില് നിര്ത്തിയപ്പോഴാണ് അമിത വേഗതയില് എത്തിയ കാര് ഇവരെ ഇടിച്ച് തെറിപ്പിച്ചത്. സമീപത്തെ വൈദ്യുതി പോസ്റ്റിലേക്ക് ബൈക്ക് ഇടിച്ചു കയറി.
മൂന്നു വയസ്സുള്ള കുഞ്ഞും മാതാപിതാക്കളുമാണ് അപകടത്തില് മരിച്ചത്. നിര്ത്തിയിട്ടിരുന്ന ബൈക്കിന് പിറകില് മദ്യലഹരിയില് എത്തിയ സംഘം കാര് ഇടിച്ചുതെറിപ്പിക്കുകയായിരുന്നു. ആശുപത്രിയില് എത്തിച്ചപ്പോഴേക്കും മൂന്ന് പേരുടെയും മരണം സംഭവിച്ചിരുന്നു. ബന്ധുവിന്റെ വിവാഹത്തില് പങ്കെടുക്കാന് രണ്ടാഴ്ചത്തെ അവധിയ്ക്കാണ് മുനീര് നാട്ടിലെത്തിയത്.
തളങ്കര കടവത്തെ സുഹ്റ ഹജ്ജുമ്മ അന്തരിച്ചു
Monday, 7 September 2026, 15:52
