പാലക്കാട്: മുന് ചിറ്റൂര് എംഎല്എയും മുതിര്ന്ന കോണ്ഗ്രസ് നേതാവുമായ കെ. അച്യുതന് അന്തരിച്ചു. 76 വയസായിരുന്നു. വാര്ധക്യ സഹജമായ അസുഖത്തെ തുടര്ന്ന് ചികില്സയിലായിരുന്നു. തിങ്കളാഴ്ച രാവിലെ ആലത്തൂരിലെ ആശുപത്രിയില് വച്ചാണ് അന്ത്യം സംഭവിച്ചത്. സംസ്കാര ചടങ്ങുകള് സംബന്ധിച്ച വിവരങ്ങള് പിന്നീട് അറിയിക്കും.
ചിറ്റൂര് മണ്ഡലത്തെ പ്രതിനിധീകരിച്ച് 1996, 2001, 2006, 2011 വര്ഷങ്ങളില് കേരള നിയമസഭയിലേക്ക് തെരഞ്ഞെടുക്കപ്പെട്ട അദ്ദേഹം ദീര്ഘകാലം മണ്ഡലത്തിന്റെ ജനപ്രതിനിധിയായി പ്രവര്ത്തിച്ചു.
കര്ഷകന്, സഹകരണ പ്രവര്ത്തകന്, രാഷ്ട്രീയ പ്രവര്ത്തകന് എന്നീ നിലകളിലും ശ്രദ്ധേയനായിരുന്നു. തത്തമംഗലം സര്വീസ് സഹകരണ ബാങ്കിന്റെ പ്രസിഡന്റായും ചിറ്റൂര്-തത്തമംഗലം നഗരസഭയുടെ ചെയര്മാനായും പ്രവര്ത്തിച്ചിട്ടുണ്ട്. ചിറ്റൂര് എംഎല്എ സുമേഷ് അച്യുതന് മകനാണ്. മുതിര്ന്ന കോണ്ഗ്രസ് നേതാവിന്റെ നിര്യാണത്തില് രാഷ്ട്രീയ-സാമൂഹിക രംഗത്തെ നിരവധി പ്രമുഖര് അനുശോചനം രേഖപ്പെടുത്തി.
ഉബ്രംഗളയിലെ ദാമോദരന് അന്തരിച്ചു
Monday, 7 September 2026, 12:26
