കാസര്‍കോട്: നിര്‍മ്മാണത്തിലിരിക്കുന്ന വീടിന്റെ സണ്‍ഷേഡ് തകര്‍ന്നുവീണു യുവാവിന് ഗുരുതര പരിക്ക്.കുമ്പള, മീത്തല്‍ കളത്തൂരിലെ ഹാരിസി (28)നാണ് പരിക്കേറ്റത്. ഇദ്ദേഹത്തെ കാലെല്ല് പൊട്ടിയ നിലയില്‍ മംഗ്‌ളൂരുവിലെ ആശുപത്രിയില്‍ പ്രവേശിപ്പിച്ചു. ഇന്നലെ (ശനി) വൈകുന്നേരമാണ് അപകടം. ശ്രീനഗര്‍ റോഡിലെ ധൂമാവതി ഭദ്രകാളി ക്ഷേത്രത്തിന് സമീപത്ത് മംഗല്‍പ്പാടി പഞ്ചായത്ത് സഹായത്തോടെ പണിയുന്ന ലൈഫ് മിഷന്‍ പദ്ധതി പ്രകാരം നിര്‍മ്മാണത്തിലുള്ള വീടിന്റെ സണ്‍ഷേഡാണ് തകര്‍ന്ന് വീണത്. വീട്ടിനു സമീപത്ത് പുല്ലരിയാന്‍ പോയതായിരുന്നു ഹാരിസ്. ഈ സമയത്ത് വീടിന്റെ സണ്‍ഷേഡ് തകര്‍ന്ന് ഹാരിസിന്റെ ദേഹത്ത് വീഴുകയായിരുന്നു. നിലവിളി കേട്ട് ഓടിയെത്തിയവരാണ് ഹാരിസിനെ ആശുപത്രിയിലെത്തിച്ചത്.