കാസര്കോട്: കാസര്കോട് ബാറിലെ പ്രമുഖ അഭിഭാഷകന് മാലക്കല്ലിലെ സുധീര് മേലത്ത് (56) അന്തരിച്ചു. കരള് രോഗത്തെ തുടര്ന്ന് ചികില്സയിലായിരുന്നു. വെള്ളിയാഴ്ച രാത്രി എറണാകുളം സ്വകാര്യാശുപത്രിയില് വെച്ച് മരണപ്പെട്ടു. ശനിയാഴ്ച രാവിലെ 10 മുതല് 11.30 വരെ വിദ്യാനഗര് ലയണ്സ് ക്ലബ്ബില് പൊതുദര്ശനത്തിനു ശേഷം മാലക്കല്ലിലെ ഭവനത്തില് കൊണ്ടുപോകും. രണ്ടുമണിയോടെ സംസ്കാരം. അഡീഷണല് ഗവണ്മെന്റ് പ്ലീഡറും പബ്ലിക് പ്രോസിക്യൂട്ടറുമായിരുന്നു. വിദ്യാനഗര് ലയണ്സ് ക്ലബിന്റെ സ്ഥാപക സെക്രട്ടറിയും മുന് പ്രസിഡന്റും സോണ് ചെയര്മാനും ആയി പ്രവര്ത്തിച്ചിരുന്നു
കേരള കോണ്ഗ്രസ് എം ജില്ലാ സെക്രട്ടറി ആയും പ്രവര്ത്തിച്ചിരുന്നു. പരേതനായ കരിച്ചേരി ഗോപാലന് നായരുടെയും (പൂക്കുന്നത്ത്, മാലക്കല്ല്) മേലത്ത് ഭാരതിയമ്മയുടെയും മകനാണ്. ഭാര്യ: രമ്യ (കണ്ണൂര്). മക്കള്: നിഹാല്, അങ്കിത്(ഇരുവരും വിദ്യാര്ത്ഥികള്). സഹോദരങ്ങള്: ലളിത മേലത്ത് (പൂക്കുന്നത്ത്, മാലക്കല്ല്), പ്രീതി മേലത്ത് (തിരുവനന്തപുരം).
കാസര്കോട് ബാറിലെ പ്രമുഖ അഭിഭാഷകന് മാലക്കല്ലിലെ സുധീര് മേലത്ത് അന്തരിച്ചു
Saturday, 5 September 2026, 10:15
