തിരുവന്തപുരം: മെസിയുടെ പേരില്‍ നടന്ന തട്ടിപ്പിനെ കുറിച്ച് എസ് ഐ ടി അന്വേഷിക്കുമെന്ന് ആഭ്യന്തരവകുപ്പ് മന്ത്രി രമേശ് ചെന്നിത്തല പറഞ്ഞു. എഡിജിപി പി വിജയന്റെ നേതൃത്വത്തിലുള്ള പ്രത്യേക സംഘമായിരിക്കും അന്വേഷണം നടത്തുകയെന്നും ഇതു സംബന്ധിച്ച് ഉത്തരവ് ഇറങ്ങിയതായും ചെന്നിത്തല പറഞ്ഞു.
മെസിയുടെ പേരില്‍ നടന്ന തട്ടിപ്പിനെ കുറിച്ച് സമഗ്രമായ അന്വേഷണത്തിനു മുഖ്യമന്ത്രി വി ഡി സതീശന്‍ കഴിഞ്ഞ ദിവസം ശുപാര്‍ശ ചെയ്തിരുന്നു. മെസിയെയും അര്‍ജന്റീന ടീമിനെയും കേരളത്തിലേയ്ക്ക് കൊണ്ടുവരുന്നതിനായി സ്‌പോണ്‍സറെ സുതാര്യത ഇല്ലാതെ തെരഞ്ഞെടുത്തതു മുതലുള്ള മുഴുവന്‍ ക്രമക്കേടുകളെക്കുറിച്ചും എസ് ഐ ടി അന്വേഷിക്കുമെന്ന് ആഭ്യന്തര മന്ത്രി പറഞ്ഞു.