കാസര്കോട്: പ്രശസ്തമായ നീലേശ്വരം, മടിക്കൈ മുണ്ടോട്ട് താഴത്തുവീട് തറവാട്ടംഗങ്ങളുടെ കുടുംബ സംഗമം ഓണവിസ്മയം -2026 എന്ന പേരില് നീലേശ്വരത്തു നടന്നു. ജില്ല അഡീഷണല് എസ്പിയുടെ ചുമതലയുളള എസ്എംഎസ് ഡിവൈ.എസ്പി ഉത്തംദാസ് ടി ഉദ്ഘാടനം ചെയ്തു. തറവാട് പ്രസിഡന്റ് സത്യന് മുണ്ടോട്ട് അധ്യക്ഷത വഹിച്ചു. സപ്തതി നിറവിലെത്തിയ തറവാട് കാരണവര് കുഞ്ഞമ്പു പുത്തൂരാനെ പൊന്നാട നല്കി ആദരിച്ചു. നിരവധി ഗാനങ്ങള് തയ്യാറാക്കി ശ്രദ്ധേയനായ ഡിവൈ. എസ്.പി ഉത്തംദാസിനെ താഴത്ത് വീട് തറവാടിന്റെ സ്നേഹോപഹാരം നല്കി ആദരിച്ചു.
ബാലന് പുത്തൂരാന്, റിട്ട: എച്ച്എം കമലാക്ഷി, മുണ്ടോട്ട്
ബാലകൃഷ്ണന് കലയപ്പാടി, സീതാരാമന് നീലേശ്വരം, ഉദയന് കലയപ്പാടി സുമേഷ്, ബിജു സംസാരിച്ചു.
ബൈജു കലയപ്പാടി സ്വാഗതവും റിട്ട: പോസ്റ്റ് മാസ്റ്റര് ഗോപിനാഥ് ഒടയാന്ഞ്ചാല് നന്ദിയും പറഞ്ഞു. ഓണാഘോഷത്തിന്റെ ഭാഗമായി വിവിധ കലാകായിക മത്സര പരിപാടികളും എസ്എസ്എല്സി പ്ലസ്ടു പരീക്ഷകളിലും ഉന്നത വിജയം നേടിയവരും മറ്റ് മേഖലകളില് പ്രതിഭകളായ തറവാട് അംഗങ്ങളായ കുട്ടികള്ക്ക് അനുമോദനവും ഏര്പ്പെടുത്തി.
വിവിധ കലാ പരിപാടികളും മാവേലിയെ ആനയിക്കലും ഓണസദ്യയും കുടുംബ സംഗമത്തിന്റെ ഭാഗമായി സംഘടിപ്പിച്ചു.
കുമ്പളയിൽ ബസ് ഷെൾട്ടറുകളിൽ എത്തിപ്പെടാൻ ബസുകൾ പെടാപ്പാടിൽ; തിരിഞ്ഞു നോക്കാതെ അധികൃതര്
Tuesday, 1 September 2026, 15:39
