പി പി ചെറിയാൻ
ന്യൂയോർക്ക് :ന്യൂയോർക്ക് സിറ്റി അധ്യാപക യൂണിയനും മേയർ സോഹ്രാൻ മാംദാനിയും തമ്മിൽ നിയമപോരാട്ടത്തിലേക്ക്. സ്കൂൾ പാരാപ്രൊഫഷണലുകൾക്ക് 10,000 ഡോളർ വരെ ബോണസ് നൽകുന്ന ‘റെസ്പെക്ട് ചെക്ക് ആക്ട്’ തടയാൻ മാംദാനി ഭരണകൂടം നൽകിയ കേസിനെതിരെയാണ് യൂണിയൻ കോടതിയെ സമീപിച്ചിരിക്കുന്നത്.
കഴിഞ്ഞ വർഷത്തെ തിരഞ്ഞെടുപ്പിൽ മാംദാനിയെ പിന്തുണച്ചിരുന്ന യുണൈറ്റഡ് ഫെഡറേഷൻ ഓഫ് ടീച്ചേഴ്സ് , ഈ നിയമം നിയമപരമാണെന്നും തൊഴിലാളികളുടെ അവകാശങ്ങളെ ലംഘിക്കുന്നില്ലെന്നും വ്യക്തമാക്കി. എന്നാൽ, പൊതുജീവനക്കാരുടെ കൂട്ടായ വിലപേശൽ അവകാശങ്ങളെ നിയമം ബാധിക്കുന്നുവെന്നാണ് മേയറുടെ വാദം. ചർച്ചകൾ പുരോഗമിക്കുന്നുണ്ടെന്നു മാംദാനി വ്യക്തമാക്കിയിട്ടുണ്ട്.
