പയ്യന്നൂർ: പിലാത്തറ മണ്ടൂരിൽ നിർത്തിയിട്ട ലോറിയിൽ ടാങ്കർ ലോറി ഇടിച്ചു കയറി തീ പിടിച്ചു. രണ്ട് പേർ പൊള്ളലേറ്റ് മരിച്ചു. ലോറിയുടെ അറ്റകുറ്റപണിക്കായി എത്തിയ മെക്കാനിക്കും സഹായിയുമാണ് മരിച്ചത്. തിങ്കളാഴ്ച പുലർച്ചെ മൂന്നരയോടെയാണ് അപകടം. റോഡരികിൽ തകരാറായതിനാൽ നിർത്തിയിട്ട മര ലോറിയിൽ ടാങ്കർ ലോറി വന്നിടിക്കുകയായിരുന്നു. അപകടത്തിൽ ടാങ്കർ ലോറി കത്തി നശിച്ചു. ഫയർഫോഴ്സും നാട്ടുകാരും ചേർന്നാണ് രക്ഷാപ്രവർത്തനം നടത്തിയത്. അതീവഗുരുതരമായി പൊള്ളലേറ്റ രണ്ടു പേരെയും ഫയർഫോഴ്സ് ആശുപത്രിയിലെത്തിച്ചുവെങ്കിലും ജീവൻ രക്ഷിക്കാനായില്ല.
കാസർകോട്, പാലക്കാട്‌ സ്വദേശികളാണ് മരണപ്പെട്ടത് പ്രാഥമിക നിഗമനം.
സ്ഥലത്ത് പൊലിസും ഫയർഫോഴ്സും ക്യാംപ് ചെയ്യുന്നുണ്ട്