കാസര്കോട്: സ്കൂളിലേയ്ക്ക് നടന്നു പോവുകയായിരുന്ന പതിമൂന്നുകാരിയായ വിദ്യാര്ത്ഥിനിയെ പീഡിപ്പിക്കാന് ശ്രമിച്ച കേസില് പ്രതി അറസ്റ്റില്. പള്ളത്തടുക്കയിലെ രമേശ (43)നെയാണ് ബദിയഡുക്ക എസ് ഐ സുനില് കുമാറും സംഘവും അറസ്റ്റു ചെയ്തത്. സീനിയര് സിവില് പൊലീസ് ഓഫീസര് ഗോകുല്, സിവില് പൊലീസ് ഓഫീസര്മാരായ ശിബിന്, ധനേഷ് എന്നിവരും പൊലീസ് സംഘത്തില് ഉണ്ടായിരുന്നു. രണ്ടു ദിവസങ്ങള്ക്കു മുമ്പാണ് കേസിനാസ്പദമായ സംഭവം. സ്കൂളിലേയ്ക്കു തനിച്ച് നടന്നു പോവുകയായിരുന്ന പെണ്കുട്ടിയുടെ ശരീരത്തില് സ്പര്ശിച്ചു പീഡനത്തിനു ഇരയാക്കിയെന്നാണ് കേസ്. വിവിധ സ്ഥലങ്ങളിലെ സി സി ടി വി ക്യാമറകളിലെ ദൃശ്യങ്ങള് പരിശോധിച്ചാണ് പ്രതിയെ പൊലീസ് തിരിച്ചറിഞ്ഞത്.
നടന്നു പോവുകയായിരുന്ന പെണ്കുട്ടിയെ പീഡിപ്പിക്കാന് ശ്രമം; പ്രതി അറസ്റ്റില്
Thursday, 20 August 2026, 15:53
