തിരുവനന്തപുരം: ഓണത്തിരക്ക് പരിഗണിച്ച് കര്ണാടകയില് നിന്ന് കേരളത്തിലേക്ക് 150 പ്രത്യേക കെ.എസ്.ആര്.ടി.സി ബസ് സര്വീസുകള് നടത്തും. കര്ണാടക ഗതാഗത മന്ത്രി ബി.എസ്. ബൈരതി സുരേഷാണ് ഇതുസംബന്ധിച്ച ഉത്തരവിട്ടത്. സര്വീസുകളുടെ എണ്ണം വര്ദ്ധിപ്പിക്കണമെന്ന് ആവശ്യപ്പെട്ട് കെ.സി. വേണുഗോപാല് എം.പി നല്കിയ നിര്ദ്ദേശം പരിഗണിച്ചാണ് ഈ തീരുമാനം. ബംഗളൂരുവില് നിന്ന് കോഴിക്കോട്, കോട്ടയം, പാലക്കാട്, തൃശൂര്, എറണാകുളം, ആലപ്പുഴ, കൊല്ലം, തിരുവനന്തപുരം, കാസര്കോട് എന്നീ പ്രധാന ജില്ലകളിലേക്കാണ് സര്വീസുകള് നടത്തുക. ഈ മാസം 21 മുതല് 25 വരെയാണ് കര്ണാടകയില് നിന്നുള്ള കേരളത്തിലേക്കുള്ള സര്വീസുകള് ഷെഡ്യൂള് ചെയ്തിരിക്കുന്നത്. തിരികെ പോകേണ്ടവര്ക്കായി 27 മുതല് 30 വരെയുള്ള ദിവസങ്ങളിലും മടക്ക സര്വീസുകളും ലഭ്യമാക്കിയിട്ടുണ്ട്. ആദ്യം പ്രഖ്യാപിച്ചിരുന്നത് 60 ബസുകളായിരുന്നു. എന്നാല് ട്രെയിനില് ടിക്കറ്റ് കിട്ടാത്ത അവസ്ഥയും സ്വകാര്യബസുകളുടെ അമിത ടിക്കറ്റ് നിരക്കും യാത്രക്കാര്ക്ക് വലിയ പ്രതിസന്ധി സൃഷ്ടിച്ചത്. ഈ സാഹചര്യത്തില് ബസ് സര്വീസുകളുടെ എണ്ണം വര്ദ്ധിപ്പിക്കണമെന്ന് കെസി വേണുഗോപാല് ആവശ്യപ്പെടുകയായിരുന്നു
