കാസര്കോട്: ചെര്ക്കളയിലും മുട്ടത്തൊടി , സന്തോഷ് നഗറിലും വിദ്യാനഗര് പൊലീസും ഡാന്സാഫ് ടീമും നടത്തിയ പരിശോധനയില് എം ഡി എം എയുമായി മൂന്നു പേരെ അറസ്റ്റു ചെയ്തു. മയക്കുമരുന്ന് കടത്തിനു ഉപയോഗിച്ച കാറുകള് പൊലീസ് കസ്റ്റഡിയിലെടുത്തു.
സന്തോഷ് നഗറില് ഇന്നലെ (വ്യാഴം) രാത്രി പത്തരമണിയോടെ വിദ്യാനഗര് എസ് ഐ അനൂപിന്റെ നേതൃത്വത്തില് നടത്തിയ പരിശോധനയിലാണ് സന്തോഷ് നഗര്, കുഞ്ഞിക്കാനം, ആത്തിഫ് മന്സിലിലെ മുഹമ്മദ് അന്ഷീദ് (26), ചെര്ക്കള, തായല് ഹൗസിലെ സി .അബ്ദുല് ഖാദര് (27) എന്നിവരെ അറസ്റ്റു ചെയ്തത്. സംഘത്തില് നിന്നു 18 ഗ്രാം എം ഡി എം എ പിടികൂടി.
കടത്തിനു ഉപയോഗിച്ച കാറും കസ്റ്റഡിയിലെടുത്തു. സംശയകരമായ സാഹചര്യത്തില് കാറുമായി കാണപ്പെട്ടതിനെ തുടര്ന്നാണ് യുവാക്കളെ പൊലീസ് കസ്റ്റഡിയിലെടുത്ത് പരിശോധിച്ചത്.
ചെര്ക്കള, കുഞ്ചിക്കരയിലെ പി. ഉണ്ണികൃഷ്ണ (26)നെ ഇന്നലെ വൈകുന്നേരം നാലുമണിയോടെ വിദ്യാനഗര് എസ് ഐ വിജയന് മേലത്തിന്റെ നേതൃത്വത്തില് 2.730 ഗ്രാം എം ഡി എം എയുമായാണ് അറസ്റ്റു ചെയ്തത്. കാറും കസ്റ്റഡിയിലെടുത്തു. ഓപ്പറേഷന് തൂഫാന് പദ്ധതിയുടെ ഭാഗമായാണ് രണ്ടിടത്തും മയക്കുമരുന്നു വേട്ട നടത്തിയത്.
ആദ്യകാല കെ എസ് ആര് ടി സി ഡ്രൈവര് വെള്ളിക്കോത്തെ ഇ.രാമകൃഷ്ണന് അന്തരിച്ചു
Friday, 7 August 2026, 12:20
