കാസർകോട്: മുട്ട വില്പനയുടെ മറവിൽ മയക്കുമരുന്ന് വില്പന നടത്തിയ യുവാവ് പിടിയിൽ. നീലേശ്വരം ചിറപ്പുറത്തെ അമീർ40) ആണ് പിടിയിലായത്. രഹസ്യ വിവരത്തെ തുടർന്ന് നീലേശ്വരം ഇൻസ്പെക്ടർ കെ മുരളീധരന്റെ നിർദ്ദേശപ്രകാരം എസ് ഐ കെവി രതീശനും സംഘവും ആണ് പ്രതിയെ പിടികൂടിയത്. ചൊവ്വാഴ്ച
വൈകുന്നേരം യുവാവിന്റെ വീട്ടിൽ നടത്തിയ റെയ്ഡിൽ കട്ടിലിനടിയിൽ സൂക്ഷിച്ച ഒരു ഗ്രാം എംഡി എം എ പിടികൂടി. അമീറിന് മയക്കുമരുന്ന് വിൽപ്പനയുമായി ബന്ധമുണ്ടെന്ന് വിവരം ലഭിച്ചതിനെ തുടർന്ന് കഴിഞ്ഞ ഒരു മാസമായി ഇയാൾ പൊലീസ് നിരീക്ഷണത്തിലായിരുന്നു. എഎസ് ഐ മാരായ എൻ എം രമേശൻ, പി വി ശ്രീജിത്ത്, എം പ്രീതി, സിവിൽ പോലീസ് ഓഫീസർ ടി ബാബു എന്നിവരും പരിശോധനയിൽ പങ്കെടുത്തു.