തിരുവനന്തപുരം : കേന്ദ്ര കാലാവസ്ഥ വകുപ്പ് കേരളത്തിൽ ഇന്ന് വ്യാപകമായ മഴയ്ക്കും ഒറ്റപ്പെട്ട സ്ഥലങ്ങളിൽ ശക്തമായ ഇടിമിന്നലോട് കൂടിയ മഴയ്ക്കും സാധ്യത അറിയിച്ചിട്ടുണ്ട്.
​
​യെല്ലോ അലർട്ട് :
8 ജില്ലകളിൽ ഇന്ന് ഒറ്റപ്പെട്ട ശക്തമായ മഴയ്ക്കുള്ള (24 മണിക്കൂറിൽ 64.5 എംഎം മുതൽ 115.5 എംഎം വരെ) മഴക്ക് സാധ്യത പ്രവചിച്ചിട്ടുണ്ട്. ഇവിടങ്ങളിൽ മഞ്ഞ അലർട്ട് പ്രഖ്യാപിച്ചിട്ടുണ്ട്.
​പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശ്ശൂർ, മലപ്പുറം, കോഴിക്കോട് ജില്ലകളിലാണ് ഇന്ന് ജാഗ്രത പ്രഖ്യാപിച്ചിട്ടുള്ളത്.
​നാളെ (ജൂൺ 22) കാസർകോട് , കണ്ണൂർ, വയനാട് ഉൾപ്പെടെയുള്ള വടക്കൻ ജില്ലകളിലും മഴ ശക്തമാകാൻ സാധ്യതയുണ്ട്.
​കാറ്റും കടൽക്ഷോഭവും
​മത്സ്യത്തൊഴിലാളികൾക്ക് ജാഗ്രത നിർദ്ദേശം: കേരള – ലക്ഷദ്വീപ് തീരങ്ങളിൽ മണിക്കൂറിൽ 40 മുതൽ 50 കിലോമീറ്റർ വരെയും ചില അവസരങ്ങളിൽ 60 കിലോമീറ്റർ വരെയും വേഗതയിൽ ശക്തമായ കാറ്റിന് സാധ്യതയുള്ളതിനാൽ കടലിൽ പോകാൻ പാടുള്ളതല്ല.
​കടൽക്ഷോഭത്തിനും ഉയർന്ന തിരമാലകൾക്കും സാധ്യതയുള്ളതിനാൽ തീരദേശവാസികൾ ജാഗ്രത പാലിക്കുക.
​പൊതുജന ശ്രദ്ധയ്ക്ക്
​ഇടിമിന്നൽ സമയത്ത് സുരക്ഷിതമായ കെട്ടിടങ്ങൾക്കുള്ളിലേക്ക് മാറാൻ ശ്രദ്ധിക്കുക. ശക്തമായ മഴയിൽ റോഡുകളിൽ വെള്ളക്കെട്ടിനും കാഴ്ച്ചപരിധി കുറയാനും സാധ്യതയുള്ളതിനാൽ വാഹനങ്ങൾ ഉപയോഗിക്കുന്നവർ വേഗത കുറച്ച് ശ്രദ്ധിച്ചുമാത്രം ഡ്രൈവ് ചെയ്യുക