കാസർകോട്: എസ്എഫ്ഐ കാസര്കോട് ജില്ലാ സെക്രട്ടറിക്കെതിരെ പെൺകുട്ടിയുടെ പരാതി. എസ്എഫ്ഐ ഏരിയാ കമ്മിറ്റി അംഗമായ പെണ്കുട്ടിയാണ് സിപിഎം ജില്ലാ സെക്രട്ടറിക്ക് പരാതി നല്കിയത്. ജില്ലാ സെക്രട്ടറി കെ അനുരാഗ് ഫോണില് നിരവധി തവണ അശ്ലീല ദൃശ്യങ്ങളും സന്ദേശവും അയച്ചെന്നാണ് പരാതി. ഇത്തരം സന്ദേശങ്ങൾ തന്റെ ഫോണിൽ അയക്കരുത് എന്ന് അന്ന് തന്നെ പെൺകുട്ടി വിലക്കിയിരുന്നു. പിന്നീടും അയക്കാൻ തുടങ്ങിയതോടെയാണ് പെൺകുട്ടി പാർട്ടിക്ക് പരാതി നൽകിയത്. രണ്ട് മാസം മുമ്പാണ് പരാതി നല്കിയത്. ആദ്യം പാര്ട്ടി ഏരിയാ കമ്മിറ്റിക്കാണ് പരാതി നല്കിയത്. എന്നാല് ഒത്തുതീര്പ്പാക്കാനായിരുന്നു ഏരിയാ കമ്മിറ്റി ശ്രമിച്ചത്. പക്ഷേ നടപടി ഇല്ലാത്തതിനെ തുടര്ന്ന് പെണ്കുട്ടി ജില്ലാ സെക്രട്ടറിക്ക് രേഖാമൂലം പരാതി നല്കുകയായിരുന്നു. സംഭവത്തിൽ ജില്ലാ നേതാവിനെതിരെ പാർട്ടി അന്വേഷണം ആരംഭിച്ചിട്ടുണ്ട്. നേതാവിനെതിരെ ഉടനെ നടപടി ഉണ്ടാകും എന്നാണ് സൂചന.
ക്വാര്ട്ടേഴ്സില് തനിച്ചു താമസിച്ചിരുന്ന ആള് കുളിമുറിയിയില് മരിച്ച നിലയില്
Thursday, 27 August 2026, 11:40
