കാസര്‍കോട്: പുഴ മണല്‍ മോഷ്ടിച്ച് സ്‌കൂട്ടറില്‍ കടത്തിക്കൊണ്ടു പോകുന്നതിനിടയില്‍ രണ്ടു പേര്‍ അറസ്റ്റില്‍. കോട്ടിക്കുളം, ബീച്ച് റോഡിലെ എ സുജിത് (38), കോട്ടിക്കുളം ബൈക്കപ്പള്ളിയിലെ കെ. ഷാജികൃഷ്ണന്‍ (38) എന്നിവരെയാണ് ബേക്കല്‍ എസ്‌ഐ കെ.വി മനോജും സംഘവും അറസ്റ്റു ചെയ്തത്. മണല്‍ കടത്തിനു ഉപയോഗിച്ച സ്‌കൂട്ടറും പൊലീസ് കസ്റ്റഡിയിലെടുത്തു. വെള്ളിയാഴ്ച വൈകുന്നേരം അഞ്ചരമണിയോടെ കോട്ടിക്കുളത്തു വച്ചാണ് ഇരുവരും അറസ്റ്റിലായത്. ഏതു പുഴയില്‍ നിന്നുള്ള മണലാണ് മോഷ്ടിച്ച് കടത്തിയത് എന്നത് സംബന്ധിച്ച് അന്വേഷണം തുടരുന്നതായി പൊലീസ് വൃത്തങ്ങള്‍ പറഞ്ഞു.