തിരുവനന്തപുരം: കാസർകോട്, കണ്ണൂർ ജില്ലകളിൽ ഇന്ന് അതിശക്തമായ മഴയുണ്ടായേക്കുമെ ന്ന് കാലാവസ്ഥ വകുപ്പ് മുന്നറിയിച്ചു. മഴ തീവ്രതയെ കുറിച്ച് ജനങ്ങൾക്ക് മുന്നറിയിപ്പ് നൽകുന്നതിന് ഈ ജില്ലകളിൽ വൈകിട്ട് മൂന്നരയ്ക്ക് സൈറൺ മുഴക്കി കവചം മുന്നറിയിപ്പ് നൽകുമെന്ന് സംസ്ഥാന ദുരന്തനിവാരണ അതോറിറ്റി അറിയിച്ചു. ഇരു ജില്ലകളിലും കാലാവസ്ഥ വകുപ്പ് ഓറഞ്ച് ജാഗ്രത പുറപ്പെടുവിച്ചു. നാളെ കാസർകോട് ജില്ലയിൽ യെല്ലോ അലർട്ട് പ്രഖ്യാപിച്ചിട്ടുണ്ട്.