തിരുവനന്തപുരം: തെരഞ്ഞെടുപ്പ് പ്രകടന പത്രികയിലെ രണ്ടു ഗ്യാരന്റികള് ഉടന് നടപ്പിലാക്കുമെന്ന് മുഖ്യമന്ത്രി വിഡി സതീശന് പറഞ്ഞു. മന്ത്രി സഭയുടെ ആദ്യത്തെ യോഗത്തിനു ശേഷം വാര്ത്താ സമ്മേളനത്തില് സംസാരിക്കുകയായിരുന്നു അദ്ദേഹം. ജൂണ് 15 മുതല് കെഎസ്ആര്ടിസി ബസുകളില് സ്ത്രീകള്ക്കു സൗജന്യ യാത്ര ഏര്പ്പെടുത്തുമെന്നു മുഖ്യമന്ത്രി പറഞ്ഞു. ആശാവര്ക്കര്മാര്ക്കു 3000 രൂപ വര്ധിപ്പിച്ചു. പാചകത്തൊഴിലാളികള്ക്കും അംഗന്വാടി ഹെല്പ്പര്മാര്ക്കും 1000 രൂപ വര്ധിപ്പിച്ചു. വയോജനങ്ങള്ക്ക് പ്രത്യേക വകുപ്പ് രൂപീകരിക്കും. സാമ്പത്തിക സ്ഥിതി മെച്ചപ്പെടുമ്പോള് കൂടുതല് കാര്യങ്ങള് ആലോചിക്കും.
മുന് മുഖ്യമന്ത്രിയുടെ ഗണ്മാന്മാരുടെ മര്ദ്ദനം സംബന്ധിച്ച പരാതി പ്രത്യേക സംഘം അന്വേഷിക്കും. സാമ്പത്തിക സ്ഥിതിയെക്കുറിച്ച് ധവളപത്രം പുറത്തിറക്കും. ജി സുധാകരനെ പ്രോം ടൈം സ്പീക്കറായി നിയമിക്കും. ടി. ആസിഫലിയെ ഡയറക്ടര് ജനറല് ഓഫ് പ്രോസിക്യൂഷനായും നിയമിക്കും-മുഖ്യമന്ത്രി പറഞ്ഞു. നിയമസഭാ സമ്മേളനം മെയ് 22ന് ആരംഭിക്കും. 29ന് നയപ്രഖ്യാപനം നടത്തുമെന്നും മുഖ്യമന്ത്രി കൂട്ടിച്ചേര്ത്തു.
മജലില് പണ്ട് കെ എസ് ആര് ടി സി ഓടിയിരുന്ന റോഡ് ഇപ്പോള് ഇങ്ങനെ: പ്രിയദര്ശിനി ബസ്സിനെ ഓര്ത്തു നാട്ടുകാര് വിഷമത്തില്
Thursday, 18 June 2026, 16:34
