ന്യൂഡെൽഹി: രാജ്യത്തു പെട്രോൾ – ഡീസൽ വില വർധിപ്പിച്ചു. ലിറ്ററിനു മൂന്നു രൂപയാണു വർദ്ധിപ്പിച്ചതു്. പുതിയനിരക്ക് ഇന്ന് നിലവിൽ വരും. തിരുവനന്തപുരത്ത് പെട്രോളിന് 110.76 രൂപയും ഡീസലിന് 99.26 രൂപയുമാണ് ഇന്നുമുതൽ വില. ഇറാൻ -അമേരിക്കൻ സംഘർഷത്തെ തുടർന്ന് ആഗോളതലത്തിൽ പെട്രോളിന് ഉണ്ടായ വില വർധനവാണ് ഇന്ത്യയിലും വിലവർധനവ് അനിവാര്യമാക്കിയത്. യുദ്ധം നീണ്ടുപോകുന്നതിനാൽ വിലക്കയറ്റം ഇനിയും പിടിച്ചുനിർത്താനാവാത്ത സാഹചര്യത്തിലാണ് വില വർധന. ഇന്ത്യയ്ക്ക് ആവശ്യമുള്ള അസംസ്കൃത എണ്ണയുടെ 90 ശതമാനവും ഇറക്കുമതി ചെയ്യുന്നതാണ്.