എറണാകുളം: ലൈംഗിക താല്പര്യങ്ങള്ക്ക് വഴങ്ങിയില്ലെങ്കില് ലഹരി കേസില്പ്പെടുത്തുമെന്ന് ഭീഷണി മുഴക്കിയെന്ന പരാതിയില് പൊലീസുകാരനെതിരെ ലൈംഗികാതിക്രമത്തിന് കേസെടുത്തു. എളമക്കര പൊലീസ് സ്റ്റേഷനിലെ ഗ്രേഡ് എസ്.ഐ മുജീബ് റഹ്മാനെതിരെയാണ് കേസെടുത്തത്.
പരാതിയുമായി പൊലീസ് സ്റ്റേഷനിലെത്തിയ കൊല്ലം സ്വദേശിയായ യുവതിയെ ലൈംഗിക ഉദ്ദേശ്യത്തോടെ മുജീബ് പിന്തുടര്ന്ന് ശല്യപ്പെടുത്തിയെന്നാണ് പരാതി. 2025 ല് നടന്ന സംഭവത്തില് ഇപ്പോഴാണ് യുവതി പരാതി നല്കിയത്. കേസ് എടുത്തതിനു പിന്നാലെ ഒളിവില് പോയ മുജീബ് റഹ്മാനെ കണ്ടെത്താന് അന്വേഷണം ഊര്ജിതമാക്കിയതായി പൊലീസ് പറഞ്ഞു.
അതേസമയം മുജീബ് റഹ്മാനെതിരെ കൊച്ചി സ്വദേശിയായ ഡോക്ടറും പരാതിയുമായി എത്തിയിട്ടുണ്ട്. ലഹരി കേസില്പ്പെടുത്താതിരിക്കാന് ഒന്നരലക്ഷം രൂപ നല്കണമെന്ന് പറഞ്ഞ് ഭീഷണിപ്പെടുത്തിയെന്നാണ് പരാതി.
